羅敏莊自薦當旅遊大使:跳得唱得演得

20140907
東網電視
更多新聞短片
睇見羅敏莊唱到咁High就知現場有幾開心。
藝人羅敏莊(Mimi)為星晨旅遊舉辦的《千人晚宴迎中秋唱飲今晚夜》兩天團擔任晚宴的表演嘉賓,她說:「之前都有喺大陸為香港人表演,我媽咪喺大陸有買樓,有時佢哋搞活動都會叫我去表演。」原來羅媽媽亦是團友:「除咗捧場仲可以玩埋一份。」對於中、港觀眾的分別,Mimi讚大陸人熱情:「不過晚宴嘅觀眾反應亦相當好,可能因為佢哋去旅行,有準備知道有表演睇,所以特別興奮。」
自認懶家長
臨近中秋,Mimi表示將帶女兒去玩燈籠:「今年佢識行所以可以帶佢去玩。」問可有考慮追多個?她笑言年紀大怕應付不來。問老公陳國邦有否要求她暫停工作?她說:「冇喎,佢都知我鍾意做嘢。」
由於好多家長都會一早為子女計劃將來,Mimi自嘲是個「懶家長」,沒有計劃太遠:「但我有帶佢去Play group,咁佢都學到除鞋要放番好,同埋佢可以將啲精力放喺Play group到,返屋企我就冇咁辛苦喇!」
此外她亦透露12月將與香港話劇團合作音樂劇,並於明年1月中公演。問可有想挑戰的工作?她笑說:「我出道咗咁耐連幕後都做過,不如試吓做旅遊大使,我仲可以喺旅遊巴唱歌表演添!」