陳潔靈同黑仔羅敏莊Jam歌特別開心

歌手陳潔靈應邀擔任由星晨旅遊獨家舉辦的《千人晚宴迎中秋唱飲今晚夜》二天團表演嘉賓，壓軸出場的陳潔靈的歌聲令全場尖叫，在獻唱多首歌曲後更與羅敏莊（Mimi）及姜皓文（黑仔）同台合唱《千個太陽》，而星晨旅遊董事兼行政總裁宋衛民亦上台合唱，掀起全晚高潮。

她表示比較少機會在大陸為香港觀眾表演：「不過無論面對觀眾，就要靠自己帶動氣氛，選擇佢哋想聽嘅歌曲，面對香港人，我感到更親切。」她亦指第一次與黑仔合作，大讚黑仔和羅敏莊是用心的藝人：「同佢哋合唱非常開心。」

睇好馮允謙許廷鏗林欣彤

此外，她亦透露將繼續為《超級巨聲4》擔任評判，更會挑選參賽者：「我好似係第一定第二次喺入廠錄影前揀參賽者。」而《超級巨聲》產生了多位歌手，問最看好哪位？她表示每個都有自己的歷程，難以推說看好哪個：「如果講穩定嘅有馮允謙、許廷鏗同林欣彤，但其實由第一季到第三季嘅參賽者都不斷努力，默默耕耘，總有一日會有機會突破。」