重8.888磅珍寶蟹籽出籠！呂慧儀讚好意頭

恭喜哂！呂慧儀佗B多個月，終於生咗蟹籽喇！

今晚八點左右，呂慧儀喺微博報喜，兼且上載囝囝嘅瞇眼靚仔相，好cute cute吖！而升呢媽咪嘅呂慧儀，就貫徹趣怪風格，扮囝囝向各位網友say hello，並透露蟹籽重8.888磅，如果佢無講笑，蟹籽都好重磅吓，呂慧儀留言謂：「哈囉！我是珍寶蟹籽，出世重8.888磅，很好意頭哩！不過辛苦媽媽了，已經臥床休息大半個月，現在才精神一點可以幫我拍些照片。」

呂慧儀更模仿囝囝，祝網民中秋節快樂：「雖然我手長腳長撐得媽媽很痛，媽媽也元氣大傷，但看我現在健健康康，媽媽就很滿足了！媽媽休息的時間，我先跟爸爸去賞月，祝大家中秋節快樂，人月兩團圓。」