晒古銅色胸器！黃智雯揚言唔會秘婚

黃智雯以代言人身份出席美容品牌活動，穿低胸裙的她大晒事業線，並謂最近與好姊妹胡定欣及胡杏兒等，每周約去行山曬得皮膚變黑，不過卻未有試過有艷遇。

一班好友前晚與定欣食飯慶生，智雯透露送予對方護膚品。問到經常黐實好姊妹，男友會否詐型？她笑謂：「我唔重色輕友，姊妹同家人對我都重要，所以我會平均分配。」定欣屢傳婚訊，問何時到她好事近？智雯表示未有定目標結婚，父母也沒有特別催婚，至於男友家人有否催婚？她說：「唔講咁多呢啲啦，總之大家開心，順其自然。（會秘婚？）順其自然就梗唔會秘婚啦！我唔會刻意公開，始終係開心事，結婚生仔係人生必經階段。（會生仔？）唔知㗎，睇緣分啦。」