月賺數百萬　廖碧兒睇中三千萬獨立屋

北上發展三年的廖碧兒，雖然於本港人氣未如從前，但「財」氣卻今非昔比，單是剛過去一個月已有近十個商演，輕鬆穩袋300萬人仔，向來鍾情投資房地產的她，即使已有兩個物業揸手，早前仍再一擲300萬港元於溫哥華購下海景單位收租，最近又被發現冒雨與媽咪到西貢睇3千萬House，看來碧兒於內地甚吃得開！

昔日無綫花旦廖碧兒自2011年滿約後北上發展，承繼無綫人氣先後拍了五部內地劇，又頻頻接商演，可謂賺錢賺到笑，不過深明齋把錢放在銀行唔Work的她，一早已展開投資之路，除了開拓紅酒事業，分別於法國及美國釀製紅白酒外，來港短短數年幾個物業揸手，既有中環半山、將軍澳等，原來連柴灣也有一個貨倉，而她早前更於出生地溫哥華，拆資300萬港元買下Pacific Boulevard區一個600多呎一房一廳海景單位作為投資之用。

不但如此，最近轉簽新公司的碧兒，於剛過去的8月份一口氣接下10個內地商演，以30萬元一個來計，她已輕輕鬆鬆賺300萬人民幣，比起以往於無綫時期捱更抵夜拍劇，如今只是唱兩首歌及剪綵，工作量絕對應付有如，有錢揸手自然身痕，從小住於溫哥華住慣大屋的她，一直渴望於香港能遷入獨立屋，貪其地方大及自由度高，惟香港地價實在太貴，自己亦未有如此「財」力，不過自早前被鄰居投訴愛犬後，碧兒已萌生搬走之意，眼見近期收入不俗，即向身邊朋友打聽西貢區獨立屋樓價，即使現時樓價高企也在所不計，日前更趁留港期間，冒住黃雨情況下也要捉住母親到西貢視察環境。

當日下午時分，碧兒與母親先於將軍澳某商場買咖啡，及後兩母女閒逛床上用品店，不過似乎未合心水，隨即乘坐保母車前往西貢區，期間兩人走到地產舖前停下研究，由於當時已過了營業時間，母女商議一輪過後便再出車駛至五塊田區才停下，雖然天色已暗兼黃色暴雨，但也無阻碧兒雅興，寧願擔遮也要與母親巡視，見碧兒於一幢獨立屋豪宅前停下，隨即與母親抬頭指手畫腳，於不遠處亦能聽到母女二人討論，碧兒說：「呢度都幾好！之前有朋友住附近話幾靜，個Sales話3,000萬，媽咪你覺得點？」其母回應：「你鍾意啦！係你同啲狗仔住咋嘛！」期後兩母女步行附近獨立屋研究，最終還是先入為主，走回原先的獨立屋門前再駐足觀看，及後碧兒不住點頭唸唸有詞，似十足在說：「真係幾好！」看來對該屋苑相當滿意，之後便與母親乘車離開。據知，碧兒睇中的單位樓高兩層，除了車位外還附設天台，建築面積接近三千呎，市值3千萬。

本報就睇樓一事聯絡碧兒，電話中的她聞言即笑不攏嘴，她說：「都係睇吓啫！因為聽朋友講嗰區幾好住，自己細個喺外國住慣大地方，所以如果個樓價OK都想搬。（即係你賺好多？）哈哈！OK啦！係近排多咗商演，同埋買樓可以保值，仲可以畀四隻狗仔多啲活動空間。」