苗僑偉睇好阿佘奪視后：今年冇對手

苗僑偉（三哥）為劇集《使徒行者》到電台宣傳，問到劇中與江美儀有否「重口味」鏡頭？三哥說：「電視劇重得去邊，點都唔夠佢之前嗰啲，起碼冇絲襪奶茶。（期唔期待有重口味歎吓？）唔使啩，多謝。」

對於收視，三哥坦言成功衝破三十關口，他說：「幾好，最高有31，即係衝破30吖，係一個關口，希望一路好，吸納多啲觀眾，電視觀眾流失唔少。」

至於劇中的佘詩曼被看好會奪今年視后，三哥說：「阿佘係呢套劇已經係視后級演出。（睇好佢？）係佢啦，今年冇對手。（林峯告別之作覺得點？）唔可以話告別之作，佢約滿經理人合約，唔代表冇機會合作，地球圓實會返轉頭，又唔係不歡而散，阿峯都表現得好好，都有機會問鼎視帝。」另外，三哥透露將與韓國公司合作在港開設室內模擬打哥爾夫球場，月底將有公布。