胡杏兒心情大起大落：請給我一個擁抱

胡杏兒日前同一班好姊妹齊齊為胡定欣慶祝生日，仲close到手拖手亮相，玩到好開心！不過事隔兩日，杏兒嘅心情就好似坐過山車咁大起大跌，今日凌晨仲喺微博傾訴：「此時此刻的我，需要一點正能量，如果可以的話，請給我一個擁抱，如果再可以的話......我想要一個吻。」

杏兒有心事，身為好姊妹胡定欣當然立刻留言支持對方：「我們什（甚）麼時候也在....但可回我一個擁抱嗎？」就連一班粉絲都紛紛留言聲援，得到咁好多人支持，唔知杏兒心情回復返未呢？