被指姣精　蔡思貝直認心情受影響：有唔開心

無綫藝人蔡思貝今晚聯同一班無綫劇集《衝線》的台前幕後劇組人員一齊開飯，慶祝劇集香港部分煞科，準備轉移陣地遠赴台灣繼續外景拍攝。開飯之前思貝更和羅仲謙一齊「開香檳」，二人看似完全不受之前緋聞所影響，keep住咁close！

接受訪問時提到思貝之前被傳「發電廠」的指控，她坦言當時有啲唔開心：「但係有好多師兄師姐同我講，叫我唔需要咁介懷。咁後尾我都覺得都ok呀，某程度上當幫套劇宣傳吓囉！」但這個回覆與另一邊廂訪問的羅仲謙口吻一致，問是否夾過口供？她笑謂：「咁證明我哋好有默契！」

而言語之間，記者亦發現思貝右邊膊頭有一個非常明顯的疤痕，問是否是拍劇集《衝線》而受傷？她笑謂這其實是兩年前和友人踩單車時發生意外弄傷，更笑謂當時傷口深至見骨，但她沒去醫院，果然大膽！

同時思貝又向記者分享自己與單車和台灣之間的緣份：「我一直都有踩開單車，上年我選港姐嗰時我抽中咗去台灣，個自選項目我就揀咗踩單車去表達自己。今次拍劇又係踩單車又係台灣！好有緣份，我覺得幾得意！」