楊崢走訪美國為出書做準備

名模楊崢至電台約滿後，為了撰寫飲食書而到外地搜集資料，她透露剛從美國返港：「去咗好幾個城市，最有印象係喺芝加哥，記得有一日落住傾盆大雨，但我戴住當地特色草帽，係一個空心建築物下，完全冇淋濕，感覺好奇妙。（艷遇？）又冇印象喎，反而當地美景好吸引。」

她透露近日暫時未安排新工作，因要遷就時間：「我自己都好鍾意試新嘢，亦希望接觸好多唔同嘅工作，但如果一至五都要工作，我諗會妨礙我出書效率，正正係因為呢個原因，令我不再續約電台主持人工作。」