台灣新手媽媽　范瑋琪梁靜茹大談媽咪經

台灣女星范瑋琪（范范）早前宣布懷有雙胞胎，雖然仲有好幾個月先正式榮升媽媽，但係佢尋晚約咗新手媽媽梁靜茹食飯，率先向佢取經，學吓點做媽媽喇！靜茹當晚仲帶埋老公趙元同及囝囝Anderson一齊出嚟，Anderson雖然只得五個月大，但係眼仔碌碌非常精靈，所以黑人都忍唔住手要抱吓Anderson，仲成個慈父樣出晒嚟，似乎已經急不及待想試吓做爸爸的感覺！難怪趙元同都喺微博大讚黑人：「未來一定是個好爸爸！」之後佢哋兩家人仲影咗張兩家七口大合照！