鄭俊弘新碟兩日賣斷貨

歌手鄭俊弘（Fred）帶同自己首張唱片到電台宣傳，他表示首次看到實體唱片覺得十分興奮：「我同媽咪同家姐特登去咗CD舖買，因為聽講去買自己碟係好意頭。」Fred更笑言獲唱片舖VIP優惠：「隻碟105蚊，到我畀錢嘅時候發現係99蚊，睇單先知佢畀咗優惠我。」問到會否將唱片送給朋友？他表示除送給師傅巫啟賢外，希望其他朋友能買碟支持。Fred亦透露已問公司唱片的銷量：「佢哋話ok，賣咗兩日有啲舖頭已經賣晒。」

至於即將舉辦的演唱會，他透露嘉賓方面還未落實：「其實問咗師傳，佢話盡量度期，都未落實到！（咁啲緋聞女友呢？）所有朋友都叫晒，但佢哋都未話肯定到。」