上海拍劇　黃宗澤補錢住單人房保私隱

小生黃宗澤（Bosco）經常為無綫出埠拍劇，明白及習慣公司的制度，數年前他為劇集《摘星之旅》到內地拍外景，入住酒店時，因想較舒服而住單人房，所以最後自己補錢，差額為數約一萬幾千左右，Bosco坦言拍攝之前會向公司問清楚：「其實個個外景地方唔同，有啲會有酒店贊助，演員想住個人房會容易啲，但我早幾年幫公司到內地拍《摘星》外景，起行前都問清楚，最後公司有公司制度，我係明白，咪自己補差額，一萬幾千左右啦！換咗個人私隱都值得嘅！」