黃浩然笑住出院：接送囝囝返學冇問題

日前患上「貝賽特氏症」的藝人黃浩然約下午兩時許，精神奕奕地於法國醫院出院。問他是否完全康復？他說：「醫生檢查晒啲指數，不過我心、肝、脾、肺、腎都正常。不過身體弱咗，瘦咗10幾磅，入咗醫院兩星期。」問他有否做運動？他表示不宜做劇烈運動，但笑稱接送囝囝上學絕對冇問題。

心臟冇事

談到病情，他自爆早前無法吞口水長達十天：「入院前得130磅，依家有返140磅，食得嘢。之前8月去澳洲為無綫宣傳，口水都吞唔到，維持咗10日。」他大爆因扁桃線發炎而開始發病：「口腔白晒，喉嚨腫晒，食極止痛消炎藥都冇用。入院時好擔心，因為自己覺得算捱得。（生殖器出問題？）大家都好關心呢樣嘢，慶幸心臟冇事，生殖器大家都唔使擔心。」

感謝大家關心

現場無綫派員向浩然送上簽名慰問卡，談到他辭演無綫劇集《張保仔》一事，他大感可惜：「我本身入院第二日就要為威吔戲開工，好可惜，有咁好機會。（身體緊要？）係，多謝劇組體諒。（損失工作？）冇諗過，祝福拍攝順利，因為（辭演）令佢哋好大麻煩！」浩然又透露仍需覆診，其胃部亦發炎。他自爆患病期間收到大量慰問短訊，他感謝大家關心之餘，又稱太太好辛苦，一邊湊小朋友，又要一邊照顧他。