力撐無綫安排 岑麗香:唔同劇唔同環境

20140918
東網電視
更多新聞短片
岑麗香力撐無綫安排,指唔同劇唔同環境。
藝人岑麗香(香香)和宋熙年到銅鑼灣出席礦泉水宣傳活動。香香表示自己已在台灣拍畢無綫劇集《華麗轉身》,而拍外景的食宿都是公司提供。她表示一班人出埠拍攝特別開心:「喺香港拍只會睇自己拍邊場,無戲份就會走,出埠就會一齊食飯。」
問到她有否留意在拍《梟雄》的黃秋生不滿無綫酒店安排和要自費換房的事?她就說:「我唔知要唔要加錢,因為我哋都唔同劇,我跟公司安排。(你都要同人Share?)我拍《華麗轉身》時喺同趙希洛一間房,都唔覺唔方便,我哋劇中扮姐妹,住同一間房反而易啲投入。」香香又表示她在香港獨居,所以對於能和其他藝人分享房間感開心。
問到她會否覺得秋生要求高?她就說:「唔同劇唔同環境。(覺得秋生幫演員爭取好待遇?)作為演員,覺得舒服嘅環境可以令藝人更集中工作,其實幕前幕後都最好有舒服環境。」她又表示同劇的演員劉松仁和汪明荃也是與劇組住同一間酒店,但不知二人有否對酒店不滿:「我平時都喺拍劇時聯絡同請教佢哋多。」
提到有指香香在拍電影《辣警霸王花》時被公司禁止和其他藝人外出和交流,她就否認說:「其實個時拍攝得好密,我中文又唔叻,所以要放更多時間落劇本,都有食飯,不過就無機會玩。」她又說和一眾女演員變了好朋友,經常相約食飯。