鍾嘉欣信心爆棚　時機成熟搶視后

無綫花旦鍾嘉欣（Linda）近期於無綫劇集《大藥坊》飾演民初女醫師，演技日趨成熟的她自爆今次是登上「視后」的好時機：「我入行十年，今次對自己有信心（奪視后），都應該係Good timing！不過唔會刻意畀自己太大壓力，之前每一年都攞唔到獎反而令我贏咗成熟！」她又high爆稱為該劇片尾曲《大愛》作曲：「第一次為無綫劇作曲（想長作長有？）係！我好多（存）貨！」談到愛情，她坦言不愛向大眾交代感情事，又大呻被好「恨」抱孫的父母催婚：「想等自己的prefect timing，但父母想我快啲嫁人生仔。因為家姐生咗BB，佢哋好想我生多個孫畀佢哋！」

問到拍攝期間的難忘場口？Linda直認難忘與拍檔陳展鵬於水底激咀，但原因竟是她為該場口而被逼斷髮：「落水十幾個鐘令尼龍做的假髮頭套收縮，結果卡實咗我啲真頭髮！拆假髮拆足兩個鐘，我驚到不停狂嗌！全部人攞Hand cream噴落我個頭，想梳返順啲頭髮，但最後都要剪斷！」