楊鎧凝溜冰初體驗　立志做花式溜冰高手

因拍美心廣告而走紅的童星楊鎧凝（Celine）今年升讀小一，早前趁暑假積極裝備自己學習溜冰。Celine雖然只是溜冰初哥，但人細膽大的她卻不怕跌傷：「媽咪搵咗阿Sir教我溜冰，我第一次學咋，但覺得好好玩、好刺激！同埋阿Sir好好，我跌低咗佢會扶返我起身，所以我唔怕跌。」年僅六歲的Celine更立志要成為花式溜冰高手，希望他日可以做出凌空跳起及轉圈等高難度動作。

堪稱「廣告界小天后」的Celine又表示最愛與「翠如BB」合作：「我最鍾意黃翠如姐姐，因為佢人又靚又nice，每次見面佢都會同我玩及請我食糖，仲會好似姐姐咁拖住我。」