林保怡「親親大自然」興起玩自拍

香港演員林保怡憑經典劇集《金枝慾孽》成為視帝，演技深受肯定，雖然未有新劇，但簽咗導演吳宇森拍擋張家振嘅公司，有分拍吳宇森嘅大片《太平輪》，各位保怡嘅粉絲好快可以喺大銀幕見到佢喇！暫時未需要開工，保怡走咗去「親親大自然」，喺微博上傳行山照片，並留言：「香港颱風過後，天朗氣清，上山運動，沿途看到很多樹木被強風破壞，大自然要我們好好保護，Be Happy！」大家都趁好天去呼吸一下清新空氣啦！