王菀之跳到嘔　形容鋼管舞為350級難度

歌手王菀之(Ivana)接受電台訪問時，大講於演唱會跳鋼管舞的辛酸史，Ivana笑言平時少運動的自己要克服好多困難才練到鋼管舞，更形容跳鋼管舞為350級難度:「好彩最後都見得人，亦聽好多人話第一次睇鋼管舞睇到喊!」Ivana又話自己練舞練得好辛苦，謂:「堂堂都跳到面青同嘔!每次想嘔嗰時，心諗Oh no!我又要嘔喇!」Ivana表示雖然演唱會已經圓滿結束，但都會繼續學跳舞，但鋼管舞就要再諗諗。