陳展鵬讚新劇劇本戥黃浩然辭演可惜

陳展鵬於尖沙咀出席劇集《大藥坊》宣傳活動，與一眾演員齊齊下廚煮藥膳餐，展鵬更將美食分享給他的粉絲品嘗，已剃頭拍攝新劇《張保仔》，被問剃頭會否影響追女仔？他稱：「啲女仔都睇慣哂啦！光唔光頭都係咁！」他大讚《張》劇劇本好，自已有幾個大場口還未拍攝，不過天氣炎熱令拍攝更辛苦。

談到原本有份演出《張》劇的黃浩然，因患上「貝塞特氏症」被迫辭演，展鵬得知對方已出院，並有傳短訊慰問，透露對方已可進食才安心下來，又謂不想打擾對方，讓他可好好休息，至於會否替對方感到可惜？他說：「當然啦，劇本咁好，機會留畀有準備嘅人，等佢Ready好相信有更好嘅劇本出現。」又謂幸好家族中未有遺傳病，但也會小心身體。

他又表示望浩然早日康復，可出席《大藥坊》的宣傳活動，笑謂忙於拍新劇的他可「抖一抖」。