30歲鍾嘉欣自稱年紀唔大　唔急生仔

鍾嘉欣於尖沙咀出席劇集《大藥坊》宣傳活動，與一眾演員齊齊下廚煮藥膳，更派給市民試食。

嘉欣早前被《好報》拍得與男友伍允龍晚膳，而她昨日受訪時表示會將戀情低調，今日問到她依然未肯承認戀情，有否令緋聞男友生氣，她就指自己的處事方法就是低調；再問到對方有沒有怨言，她笑笑口謂：「要問返佢喎！（講少啲？）係囉！（保護戀情？）講少啲啦！（佢年紀唔細？）應該咁講，我年紀唔大，唔急嘅。（影響生仔？）唔怕，依家科技發達，我今年，出年都未Ready做媽媽！」她又否認公司有給予壓力。

至於是否對《大藥坊》收視感滿意，未知收視成績的她表示知道劇集口碑好，笑言：「行行吓街（有市民）叫我把把脈！」她稱拍畢《大》劇後更注重養生，會煲湯及煲中藥，講到伍允龍有否試過她的湯水，她尷尬說：「好難答，我煲畀好多人飲。」然後又轉移話題稱自己煲湯好足料，好好飲。

談到娛圈大事，王菲與謝霆鋒的世紀復合，嘉欣說：「開心就好啦，緣份好難講，係開心事！（戲劇性？）人生如戲，人生可能仲浮誇！局外人無資格講，只有祝福，恭喜佢哋！」