新西蘭拍戲　陳鈺芸浸泡泡浴放輕鬆

武打女星陳鈺芸（JuJu）近日去咗新西蘭拍戲，仲忙緊寫自己嘅劇本。JuJu無啦啦賣大包!佢喺微博大晒出浴照，仲話自己終於得閒周圍去玩：「等補拍時間表出來呢個禮拜都會好輕鬆，除咗四處旅遊外，便是在酒店寫自己的劇本。計劃了很久的劇本終於到達我滿意的版本！昨晚開通宵修改完成了，真的很興奮！可以交比老闆過目！依家浸返個泡泡浴放鬆下先！玫瑰花香泡泡浴，浸完全身香噴噴！」呢排冇咁忙嘅佢應該可以晚晚浸泡泡浴啦！