鍾嘉欣自學穴位針灸為伍允龍按摩

藝人鍾嘉欣率領一眾無綫劇集《大藥坊》演員到元朗健康中心進行宣傳，可惜男主角陳展鵬因病缺席。在劇中飾演女中醫師的嘉欣即場向中醫偷師，為林子善按摩穴位，但被子善揶揄戀情：「你返去可以幫伍先生（伍允龍）按。」嘉欣一臉尷尬地笑罵對方「癡線」，之後她更身親自執藥，向耆英派發湯包。

嘉欣坦言曾睇書自學穴位及針灸治療。問何人會當「白老鼠」？她說：「我會做大力士為爹哋媽咪按摩。（會為男友伍允龍按摩？）如果佢需要我都會同佢按，如果佢開到口問我，我都可以幚佢按，總之邊個需要都會幚手。」

唔知無綫代追尾數

問無綫入稟法院為嘉欣向美容公司追討近50萬元代言尾數，她表示不清楚內情，但會向公司了解事件：「我唔知，因為我平時只會Check年尾單同睇總數，之後就攞畀會計，所以真係唔清楚，之後會向公司了解下。」

張振朗為藝術甘願頹廢

而同場人氣上升的張振朗自爆近期獲得更多工作機會，收入上升。將於無綫劇集《愛．回家》登場的他即「賣口乖」：「希望劇集增加集數，長拍長有。」直言「恨」拍廣告的他又稱想擺脫斯文形象，希望飾演頹廢或黑暗的角色。