同容祖兒撞衫　徐濠縈唔介意遲人一步

徐濠縈出席關注乳癌活動，她所穿着的粉紅色蝴蝶衣服與日前容祖兒所穿的一樣，她就表示是因為活動撞正八號風球而延遲，故「遲人一步」，但就不會介意。問到是否年年驗身，她說：「盡量啦，好在都冇事。（同囡囡灌輸防乳癌知識？）佢着緊肺癌多啲，因為Daddy食煙，佢學校有戒煙小組，佢會抄低電話畀Daddy同Daddy嘅朋友。（你抗拒Eason食煙？）其實佢都食少咗，我唔一定要佢戒，有時放工輕鬆吓咪食，但佢調番轉，開工先食，但我覺得開工時好操勞，佢唱歌又要用氣，要好嘅狀態。」

撐霆鋒關心仔仔

對於好友謝霆鋒與王菲復合，她表示跟市民一樣，從報章得知消息，但夫婦二人沒有討論，不會八卦朋友的感情事，但就恭喜二人舊情復熾。有指張栢芝指霆鋒不是好爸爸，她說：「人哋家事我唔評論，我又冇親口聽栢芝講，但以我所知霆鋒都幾關心個仔，有時見面，佢都會畀仔仔嘅相我睇。」