大陸相遇　陶大宇羅嘉良世紀相聚

90年代無綫小生陶大宇同羅嘉良世紀相聚，勾起粉絲集體回憶。第一代「師奶殺手」陶大宇喺微博貼上一張佢同羅嘉良合照，仲留言稱：「有緣地遇嘉良哥，馬上共聚晚餐！除了大談近況之外，我們也懷舊一番，整個過程很難得！兄弟，希望將來有機會再吃飯和合作！」

呢張合照一公開，即刻引來粉絲們嘅關注，除咗叫佢哋呢兩位TVB經典帥哥快啲合作之外，仲有網友感性地表示：「常常翻看刑偵《刑事偵輯檔案》和流金《流金歲月》，歲月雖在你們臉上留下了痕跡，但是亦留下了珍貴的回憶！謝謝你們亦愛你們！」