梁烈唯做飛虎隊要帶多條內褲

藝人梁烈唯在啟德郵輪碼頭拍攝無綫新劇《飛虎II》宣傳片。他透露所有人都會被炸到飛起：「我覺得英勇嘅飛虎隊係充滿實力嘅。（真爆炸？）應該係假爆，真爆炸政府未必會批，西片就會批，但本地製作就好難。（會被吊？）我哋唔使被吊，睇人被吊，如果我哋畀人吊，咁邊個去救被吊嘅人！」

問身穿厚厚的飛虎隊制服在烈日當空下拍攝宣傳片會否好辛苦？唯唯說：「今日唔算熱，我哋拍嘅時候先算熱！（上年）6月頭開拍，最熱日子拍到9月、10月！」更笑言練到大家都好有耐熱能力。至於着乜嘢打底？他會着運動專用內衣：「着棉質衣服一著就會濕晒，長期『Up』住好辛苦！」雖然上衣有辦法，但內褲就冇辦法：「帶定多幾條底褲囉！」