離巢無綫冇原因　楊思琦想趁團火未熄向外闖

楊思琦接受節目主持人梁泰來訪問，她坦言去年拍攝無綫劇集《大藥坊》時還沒有離巢的念頭，她說：「當時我係隔咗好幾年先再有演出劇集嘅機會，唔知道會係喺公司嘅最後作品。」

問何時開始考慮離巢發展？她謂：「其實呢幾年嚟公司對我幾好、畀過我好多機會，不過可能因緣際會，我未必有咁多演出機會，係咁啱今年約滿，另外又顧及到自己嘅年齡，所以我開始考慮係咪應該嘗試出去重新開始。」至於猶疑了多久才下決定，她則說：「決定只係一念之間，想趁自己仲有魄力、仲有一團火燃燒緊就嘗試走出去。就好似清兵心口掛住個『勇』字，決定嗰陣都冇咩後路。」