錢小豪讚仔仔有天分做童星

藝人錢小豪於電視城為無綫劇集《潮拜武當》進行拍攝，期間帶同兒子錢穎德開工的他就力讚兒子有天分當童星：「我唔會反對（當童星），佢有表演能力，好鍾意跳舞，七歲已經公開表演跳hip pop同Michael Jackson（的舞步），又唔怯場。我好開心佢有能耐同才華，要畀心機努力！」

問到他是否習慣無綫的拍劇模式？他即自爆渴望與弟弟錢嘉樂合拍喜劇：「開始拍（劇）時好驚同唔慣，但依家覺得好舒服。（與嘉樂及湯盈盈合作？）我同嘉樂喺電視上冇合作過，希望拍套錢氏『合家歡』喜劇啦！」