減壓有計　關之琳不怕患情緒病

關之琳（之之）現身冰雪節開幕禮，問到酬勞是否很高？她表示前來支持其中受惠機構「心晴行慈善基金」，她說：「好多市民都會有情緒病，之前冇諗過情緒病可以去到好嚴重，影響到搭唔到車、返唔到工，連人都唔想見。（身體有冇咁嘅朋友？）好幸運唔多，有一個半個，不過冇咁嚴重。」她透露有朋友的胞兄雖然飽讀詩書，但患病程度十分嚴重：「佢覺得落街會畀石頭揼中，仲話牙齒裝咗啲偷聽器。」

減壓有辦法

之之表示自己有一套減壓方法，包括游水、跑步、飲酒、與友人傾訴、購物，她笑說：「So far都減到壓，冇咩問題。」問到早前發聲明澄清沒患癌，有否影響情緒？她說：「愈來愈多保險公司聯絡我，仲有防癌中心搵我做宣傳，我之前講咗，但冇人理好唔開心，所以決定發聲明澄清。（係咪嚇親朋友所以發聲明？）係，好多朋友喊住問我有冇事，仲有fans，好感謝我身體好好。」