周麗淇玩瑜伽強身健體應付拍劇

藝人周麗淇（Niki）出席鞋履品牌活動，露出小蠻腰的她，吸晴度十足！問到為何如此性感？Niki表示：「都係健康性感，自己Keep住做運動，呢幾年有學瑜伽上癮，就算幾攰都去做。（同男朋友徐正曦一齊做？）佢啲筋太硬，佢自己會去打波。（想操Fit做新娘子？）唔係，只係想身體健康，自己拍劇、拍電影，要學會放鬆。」

喺TVB拍劇學到嘢

Niki又指自己產量不多：「如果大病可以好嚴重。（拍大陸劇舒服啲？）有一段時間冇拍TVB劇，但TVB係一個訓練嘅好地方，演技、體能要好，仲要夠獨立。」