郭晉安做乞兒　隨時辣着會爆

郭晉安到電台宣傳即將推出的台慶劇《老表，你好Hea！》，今次劇中他飾演一名留長髮及鬍鬚的環保人士，他笑言：「個形象就好似一個日日沖涼嘅乞兒咁，個角色要好爆好出，似一個核子彈咁，一辣着就爆。」

提到他今年有兩劇在手，有機會在台慶頒獎禮上叫雙飛角逐「視帝」？他說：「應該會，信心就唔知，希望新劇有口碑，知道《使徒行者》都幾好口碑。」有傳《使》原是台慶劇？他說：「唔知公司安排，聽到公司成日都會褪時間，拍嗰時演員唔會知。」

問到可會擔心分薄票源？安仔坦言：「有諗過，但啲票都係畀我，無所謂啦，最重要係得到觀眾個心。《忠奸人》出街後，好多朋友、同事都讚我，我拍咁多年劇都未試過有咁嘅反應，如果新劇都有回響，咁就無憾啦。」