吳彥祖古天樂爭住愛高圓圓

藝人吳彥祖、高圓圓和古天樂等在五星級酒店內為電影《單身男女2》拍攝結婚戲。飾演「準夫婦」的吳彥祖和高圓圓在婚禮進行中被攀爬達人古天樂（古仔）搞破壞，要搶新娘高圓圓，不過最後竟面臨生命威脅，而身為婚禮男主角的吳彥祖都戲劇性「掉轉槍頭」爬牆幫古仔拖，豈料「裝飾牆」不穩令吳彥祖都陷險境，最後連周渝民都要出手相助，睇到在旁的楊千嬅都「O晒嘴」。

但導演杜琪峯（杜Sir）要求嚴格，除了親身試爬，測試裝飾牆鞏固程度之外，又從不同角度拍攝效果，更出動新款遙控攝錄機從高角度拍攝。另外，杜Sir又與在場身兼監製和編劇的韋家輝研究對白和拍攝手法，真係出心出力。

自上集高圓圓選了吳彥祖已引起起城中熱話。今次高圓圓再之身陷感情交叉點，更自爆杜sir隱瞞劇情，令他蒙在鼓裏：「導演一直都保持神秘，不想影響我的演出，直至昨天我才終於知道結局。有時候我也想，作為女主角真是難選擇！」在旁的吳彥祖又插嘴笑謂：「其實不難，當然選我啦！」高圓圓不禁大笑謂：「哈哈，對，你這麼完美！但女生總會有短路或者迷惘的時候，所以也會想與古天樂一起的衝動！」

但吳彥祖對於自己在戲中完美的角色塑造郤有微言：「戲裏我是個大好人，但『火星男』太完美反而畀女朋友好大壓力，所以我唔會係一個『火星男』。因為第一集已經求婚成功，第二集唔使再追求高圓圓，但我反而要知真相，希望女朋友結婚前諗清楚，現實生活我唔會等到結婚先一刻至要大家諗清楚，所以我同真正既女朋友拍拖八年，大家好肯定對方先至結婚。」