黃日華戒唔甩做低頭族　食杞子藍莓護目

黃日華到石硤尾出席《世界視覺日2014》活動，戴着眼鏡的他說：「我後生時都唔識注重眼睛，試過拍劇戴con（隱形眼鏡），懶冇除，依家年紀大，知道咁係對眼睛唔好，唔會再咁做，連con都少戴咗，拍嘢同踢波先戴。（唔做激光矯視？）唔啦，戴眼鏡都好方便。」

華哥又指有個傷眼的壞習慣，他說：「我有樣嘢對眼睛唔好但都戒唔到，就係睇手機，我雖然唔係嚴重低頭族，但始終都避免唔到要用手機睇啲資訊，我知係傷眼，我臨瞓前仲係會望吓，係唔太好！所以我已經食番啲杞子、藍莓補番吓！」華哥被問到早前患重病的太太梁潔華健康狀況，他說：「好好呀，健康愈來愈好！」