王浩信操肌三月　為露肉戲去盡

王浩信於新劇《再戰明天》中，飾演一名爛撻撻、口賤的懲教官，向來外型斯文，官仔骨骨的浩信，近這一年都有不少發揮機會，包括劇集《貓屎媽媽》、《愛我請留言》等的演出，他坦言曾跟公司商量，希望可做多些其他類型的角色，現時有望成功「轉型」。他說:「以前入行第一套劇就做有錢仔，之後就成日做呢類角色，希望有啲改變，而今次喺《再戰明天》中，飾演一個平時口賤賤、爛撻撻，但又收得好埋的懲教署官員，有啲似《秋天的童話》周潤發飾演的船頭尺，自己都有再睇番發哥的演釋，再加番自己嘢落去演。」除此之外，為了演飾此角色，浩信都勤加操練，希望身型愈來愈好，而監製林志華見他操了多時，更加了一場無衫着的的戲份給他，浩信笑言:「就係因為呢場戲，搞到兩、三個月冇啖好食，而劇中都有場一個打十個場口，為咗更有說服力，真係要好fit先得。」

提到上年台慶奪得《飛躍進步男藝員》獎項，問到浩信得奬後，對他有甚麼實際得着時，浩信表示對他來說，這是一個「警惕」，他坦言:「令我經常提醒自己要做得更好，而角色方面，亦多咗好多嘗試，都好期待啲劇集出街時，觀眾反應會係咁。」現時於拍攝中的《樓奴》中，是浩信首次擔正男主角，飾演一個典型香港巿民，劇情提及巿民買樓心聲，現實中，浩信經常表示要努力賺錢買樓，他謂:「基本上依家我都上唔到車，個角色最少同女友儲咗14年錢買咗樓，直至依家為止，我都係租緊樓住，仲要愈多愈大壓力，(有冇影響再生小朋友決定?)嗰陣生個女時，都冇諗過可以afford到咁多，香港人承受壓力能力好高，天生天養，嚟到我就OK。」

問到會否對今年台慶「男配角」獎項虎視眈眈時，他謂:「今年有提名已經當攞咗，有任何獎項都係bonus，依家好期待《再戰明天》播出，現時希望睇吓觀眾的反應。」