張家輝做好爸爸　約愛女撐枱腳

影帝張家輝為演好部電影可以去到幾盡，大家都知，而現實中不用埋位拍戲的日子，相信家輝最想還是做好自己好丈夫和好爸爸角色，日前家輝趁不用開工，帶同現年8歲的女兒張童（Brittany）出街，享受兩父女獨處的時光。

當晚約八時多家輝與女兒現身銅鑼灣，兩父女拖到實而行，Brittany邊行邊眼碌碌地望住家輝傾唔停，似乎對爸爸有時間相伴相當雀躍，而家輝亦耐性十足地頭側側細心聆聽女兒說話，兩父女邊行邊傾步入開平道一幢食肆林立的大廈，逗留至晚上差不多十時始步出，應該是撐枱腳食晚飯。

拿着智能電話玩樂的Brittany，步出電梯時看見記者的閃光燈，即時嚇了一跳，只見她第一時間捉實爸爸手臂，並躲在家輝身後，原來身為星二代的Brittany並沒有遺傳了父母上鏡的淡定，全程怕醜地藏身在爸爸身後，至於家輝則Man到爆地笑笑口以身體為女兒擋鏡頭。戴上cap帽的家輝，這晚右邊面頰明顯有一處小小的傷痕，未知是否拍戲受傷，家輝護住囡囡快步走開，然後兩父女溫馨地步行回家。