經典再現！拖大肚老婆去飲　陳豪「紅都面晒」

前無綫經理人陳嘉莉與尹姓男友舉行婚宴，筵開18席慶祝雙喜臨門。懷孕近四個月的Aimee，穿平底鞋到場，並開始見肚。問到送甚麼禮物給新人，她竟表示漏了在車上，陳豪則說：「總之係好嘢！（傾BB經？）都會分享婚姻經驗同做家長嘅Tips。」問到Aimee再佗B的感覺，她說：「有少少辛苦，又要照顧囝囝，都幾攰。（仔定女？）未知，仔女都冇所謂。」陳豪亦表示仔女都好，最緊要有「開心Family」。而受訪期間，陳豪再度使出「面紅」必殺技，由於之前他曾將「面都紅晒」，錯說成「紅都面晒」，如今再度面紅，可謂經典再現，而睇嚟佢對於老婆再次有喜真係好興奮。

鄧健泓石詠莉見記者即縮手

郭晉安表示送上鑽石頸鏈，因鑽石代表永恒，問到會否與新人分享夫妻之道？他說：「佢以前照顧得我哋好好，相信佢照顧老公都會好叻。（同佢對襯家？）太長遠，遲啲先算啦！」至於鄧健泓與石詠莉則拖手到場，其後發現記者立即縮手，但仍企定定影相。