爹哋媽咪勸出街！朱千雪堅持做宅女留屋企

朱千雪在鑽石山宣傳無綫劇《再戰明天》，與現場觀眾大玩遊戲。她認為劇集反應不錯，在電視城出席《全城響應助更生》錄影時，有懲教署人員讚她扮Madam好似。

談到下星期一《再》劇裏千雪被偷拍後，英勇追犯但扭親腳，她表示現實中不會這樣勇敢：「我會驚到嗌完之後，整番好啲衫之後再報警。我現實生活好細膽，得個樣。（要男仔保護？）係，不過冇囉。」

問到她現在是否有人追？她坦言沒有：「冇乜出街，我係宅女嚟。爹哋媽咪都問我點解唔出去飲吓嘢。我就話唔去喇，放工都係返屋企，屋企安全啲舒服啲。」問到張名雅與何君誠的緋聞，她指自己親自問過兩人，但兩人堅稱當時只是坐順風車，而她又表示自己不會刻意八卦別人的事。