台灣傾唔停　任嘉萱出賣妹妹畀電話潘瑋柏

已為人妻嘅台灣女子組合S.H.E.成員任嘉萱(Selina)，自從結婚之後就不停為身邊單身友人做媒，而今次佢為咗好友潘瑋柏，就打算「出賣」細妹任容萱！事緣尋日Selina去咗幫即將開演唱會嘅潘瑋柏打氣，事後潘瑋柏將佢哋嘅合照上載微博，仲貼心咁話：「看到她總是特別開心！話夾子停不下來！金鐘獎典禮加油！我會在小巨蛋為你加油！ 」而Selina見到留言之後大呼感動，仲主動咁話：「你也要加油喔！如果要我妹任容萱電話，可以私訊我！哈哈哈哈」有靚女自動送上門，潘瑋柏亦毫不客氣咁話：「哈哈哈哈哈，你都開口了，怎麼好意思不私訊！ 」兩位先生小姐似乎談得十分起勁，但就好似冇問過主角任容萱想唔想喎！