西安巧遇「親戚」　王祖藍「矇眼」集郵

向來鍾意搞笑嘅王祖藍，近日喺西安工作時自爆巧遇「親戚」！事緣祖藍在西安發現一個與自己樣貌極之相似嘅兵馬俑，佢即刻「集郵」之餘，仲喺微博留言話：「我在西安，遇到親戚！」見祖藍矇晒眼、「嗡」晒鼻咁模仿個兵馬俑，真係令人笑破肚皮，難怪祖藍女友李亞男亦笑埋一份回應話：「失散很久很久很久的伯伯！替你高興！」而跟祖藍合作拍攝《老表，你好hea！》嘅郭晉安（安仔），亦留言話：「保重老表！問候你親戚。」