黃翠如否認冇劇拍：想休息吓

黃翠如以空姐打扮，出席航空公司贊助學童的活動，席間自爆辛酸史謂：「我都係攞獎學金，16歲第一次出門搭飛機，當時屋企人畀咗7,000蚊我，但要留成個暑假，所以唔係好夠。」

入行後遊歷了五十多個國家的翠如BB，表示刻下最想到訪南北極，以及漫遊太空。現處於休息狀態的她，更計劃年尾到歐洲。問男友蕭正楠會否同行，她說：「佢開緊劇。（傳佢跪求高層曾勵珍放生妳，話依家冇劇畀妳拍？）唔係，入咗公司一口氣拍咗5個劇，我想休息吓。（話節目巡禮預告片都冇預妳拍。）今年公司改咗形式，總之11月4日嘅客戶宣傳節目我會出席。（揀定戰衣？）唔使，我係學生，着校服整整齊齊就得喇。」