江美儀戥亞視員工無得交租慘

藝人江美儀於尖沙咀出席保健活動，期間美儀自爆有家族性疾病。她就：「我每年都body check，特別留意腸道問題。因為我爺爺同叔叔都因為腸癌而離開。（擔心？）無得擔心，惟有開心面對，努力預防！（年紀大咗有骨質問題？）咁又無喎，可能細個鈣片當糖食，打底打得唔錯！」

拖糧搞到無租交

談到亞視拖糧，亞視出身的美儀直言「好陰功」：「希望盡快解決。（有傳亞視員工將罷工？）唔怪得佢哋，冇糧出又要人返工。我聽到覺得唔開心，知道有兄弟無租交。（搵你幫手？）冇呀，但我會在社交網站同舊同事聯絡。」

身價「一級跳」

問到收視強勁的無綫劇集《使徒行者》帶挈演員身價「三級跳」？美儀大爆接不停工作：「我『一級跳』咋，騷價無咩上升。（多job接？）自從我攞最佳女配角後，job接住嚟，低調咁搵錢。（過肥年？）我依家都唔瘦！」