旅行艷遇多！官恩娜連詩雅多仔獻殷勤

歌手官恩娜（Ella）及連詩雅（Shiga）齊齊出席旅行社活動，談到以往旅行時可有艷遇，Ella笑言以前做模特兒為旅遊雜誌到意大利拍照，獲羅馬餐廳的太子爺表示好感：「但我嗰陣有男友，同埋仲細，都冇理到。」殊不知兩年後在同一地方重遇：「佢見到我就衝出嚟，話本雜誌出咗後多咗好多香港人去。」不過Ella表示雙方已沒有聯絡，只能透過影片重溫：「當時我有拍片，咁我又鍾意剪片，以前會重溫吓。（依家會唔會再去搵吓佢？）唔會啦，拍拖都唔好去嗰邊，其實一路冇發展，就當美好回憶。」

至於Shiga則透露兩年前到日本工作時，重遇昔日有好感的男生：「嗰陣落雨，其實好似電影咁，但我冇帶遮，拎住紙袋遮頭，有啲唔好，佢見到我都有打招呼，仲問我要唔要遮。」然而她指當時在遠處發現他有女朋友，所以故作有型拒絕別人好意然後離開。