女兒曾患罕有病　鍾麗淇成立基金會

前藝人鍾麗淇出席童裝時裝騷，透露女兒三歲半因為貪靚愛打扮，所以家中衣櫃有一半位置是女兒的衣服，但不會買名牌。鍾麗淇早前曾透露女兒有病，住了幾個月醫院，被問到是甚麼病時？她說：「係好罕有嘅病，但唔講住，因為咁我成立咗個基金會，26號會有活動，覺得小朋友嘅醫療好貴，想幫有需要嘅人。」

鍾麗淇離開幕前已十年，被問到有冇興趣復出？她說：「我早前啱啱客串咗一套電影，雖然只有一場戲，但係拍通宵，我真係頂唔順，好唔習慣，所以唔會再拍，今次好例外，因為個監製好有誠意，仲將角色加咗瑜伽元素所以冇得推，但本身想專一做瑜伽事業，唔可以分心做其他嘢，所以當初先會退出幕前。」