同房定分房？王祖藍李亞男奉旨度蜜月！

王祖藍及李亞男於下午四時許現身機場，為無綫旅遊節目《蜜月到訪》遠赴新西蘭拍攝為期十日的節目。二人齊齊抵達機場，祖藍表示十分開心，笑言今次可用公司資源做「自己嘢」：「未到honeymoon就已經去咗honeymoon喇！」祖藍又指今次還邀得方力申及鄧麗欣、郭偉亮及葉佩雯等當嘉賓，更大爆鄧麗欣已一早到達當地順便慶祝生日。他又大爆方力申早前亦獲內地邀請參加同類型節目，不過對方卻向他表示：「我跟你去，其他有錢比我都唔去！」

爆方力申鄧麗欣無得同房

順理成章被追問婚期的祖藍，問到今次會否順便求婚時表示：「唔會，你哋估到，佢又聽到，無晒神秘感啦！（做齊honeymoon做嘅嘢？）唔會啦！（同房？）都唔會，真係度蜜月就會同房！除咗結咗婚嘅係同一間房，其他都係單人房！」

曾有即慶結婚念頭

不過祖藍表示，今次去新西蘭會順道為將來度蜜月做「資料搜集」：「會睇吓啲教堂，睇吓啲婚紗舖。（將來喺嗰度結婚？）未知，依家做資料搜集，要搵定蜜月地方！」他又透露早前去拉斯維加斯傳道，曾想過即慶結婚，但最後打消念頭，因覺得太普通。

至於二人會否偷偷結婚？二人齊聲表示不會，亞男說：「都高調左咁多年啦，會繼續高調！」，祖藍都笑謂：「低調唔係我地style!」，最後二人十指緊扣大方合照。