與網友開火精選節錄

20141016
東網電視
更多新聞短片
王晶與網友在微博開拖。
王晶話會刪除黃秋生、何韻詩、杜汶澤聯絡方式之後,喺微博同網友互罵,仲令王晶成為微博搜尋榜第一位,勁多人留意!呢場口水戰好睇過戲,依家逐點數畀你睇!
1)王晶撐警察
王晶尋日下晝四時幾喺微博力撐警察執法:「我依然撐警察!人家執行職務,你居然用尿潑人?打死都冇得怨!我覺得打得少!」持相反意見嘅網友即批評警方以暴易暴:「雖然別人用尿撥你,但你可以忍阿(啊),你是執行者,怎可以暴易暴?」結果激起王晶的怒火,更揚言要用尿潑對方:「你老X!比(畀)個地址我,我明天來潑你!」
2)與黃秋生、杜汶澤及何韻詩絕交
王晶今日下晝一點幾,喺微博表明尊重黃秋生、杜汶澤及何韻詩嘅政治立場,但就揚言會同佢哋三個絕交,兼刪除埋佢哋嘅聯絡方式。有網民睇唔過眼,力指王晶令已過世嘅爸爸王天林失望:「老師要是還健在,知道自己兒子如此見風使舵,會不會用褲腰帶抽死他?」火爆嘅王晶隨即以粗口還擊:「我老爸會跟我一起X你X!」
3)網友罷看王晶電影
王晶自表明與杜汶澤等人斷絕來往後,不斷有網民留言批評其做法,有人更揚言罷看其電影作品:「王晶先生,我們曾經有過很愉快的八十年代觀影經驗。我也尊重你可以有個人的政治主張。但絕不認同。為免尷尬,你跟著(着)來的電影我們有良知的香港人也不會入場觀看。祝生活愉快!」不屑一顧的晶哥隨即回應:「你睇親就眼盲!」
4)網友咒罵王晶家人
直到下晝6點幾,王晶繼續被網友咒罵,更將其家人「拉落水」:「王晶你個X家X,咪俾(畀)我係(喺)廣東見到你!如果唔係,我見你一鍋(鑊)打你一鍋(鑊)!」正所謂「禍不及家人」,眼見家人被罵,晶哥隨即發火:「我聽日就嚟,你打我唔到就全家生屎X癌!」
當然,亦有網民力撐王晶,包括:「晶哥威武」、「堅料唔係薯條」及「直率,真性情,贊」等。