《老表》收視過40點　郭晉安生多個慶祝

藝人郭晉安於尖沙咀為新劇《老表 你好hea！》進行宣傳活動，提到劇集即將播出，他直言很緊張，因第一輯太受歡迎，今次拍劇連客串的馬國明、李思捷都博到盡，被問收視過40點會如慶祝？他謂：「過40點結咗婚個啲就生多個！未結婚都可以生！可以叫祖藍生啦！」

希望出個代表爭視帝

至於會否有信心憑《忠奸人》或《老表 你好hea！》而問鼎視帝？他謂：「唔知，希望有一個代表啦！」又謂希望大家看畢劇集再算，他說：「祖藍個角色衰得嚟又可愛，阿聰（張繼聰）仲話自己喺八點半劇嚟講露兩點露得最多！」

提到佘詩曼與鄭嘉穎疑似翻撻，二人前後腳到曹永廉的生日會，有份出席生日會的安仔被問到二人是否復合？他即後退一步謂：「我早走唔知喎！（有人醉？）唔知，走嗰時無人醉！（佢哋親暱嗎？）無留意吖！（係咪同枱？）真係無留意！」