羅霖斥新一代唔及上一代有情義

陳玉蓮出席慈善活動，透露去年長時間於大陸做善事，故也是適當時候為香港慈善出分力，慨嘆一直以個人名義行善，但大陸慈善團體並未太接受，她謂：「我助養5個女仔，但唔係齋畀錢，係去廣東同我一齊生活，亦有畀錢佢哋家人，不過一般慈善團體唔係好認同，話捐錢同物資就無任歡迎，咁樣就有啲困難。（同小朋友生活有冇困難？）佢哋介乎12-17歲，正值反叛期，不過自己冇小朋友，同佢哋相處都覺得自己後生好多。」

斥新一代自私

而同場的羅霖則以透視裝現身，表示大眾不應歧視天生或意外殘障者，更指若然其公司有職位空缺，亦有意聘請他們，她謂：「呢啲缺撼好過腦殘，我唔係講邊個，只係覺得思想唔成熟幫唔到。（你係咪有弦外之音？）睇個仔都睇到，上一代人識得尊重老人家同情義，呢輩就自私少少。（你想反映呢排嘅政治問題？）我唔係話新一代思想，佢哋係未來社會棟樑，依家香港內傷，將來就要加倍努力先復原到。」