楊思琦囡囡床上跌落地險破相

藝人楊思琦出席電台有關危機意識遊戲節目錄影時，大講細個危難經驗。她表示兩歲時住屋邨，慘被夾在木門及鐵閘之間，幸無阻礙。她猶有餘悸憶述事件：「真係差少少夾爆頭，係咁喊！不過只係有啲紅腫，唔使去醫院。」

問到思琦湊囡囡有否遇過驚險事，她大爆當囡囡未夠一歲時跟自己一同睡大人床，說：「張床又冇圍欄，佢跌咗落地。」發現時只見囡囡面向地下，撞到額頭腫晒，思琦發現時大感心痛：「最嚴重嘅一次，好驚會破相！」