佘詩曼認同鄭嘉穎醉好玩：姻緣天註定

佘詩曼出席由無綫行政主席梁乃鵬博士歡宴劇集《使徒行者》台前幕後工作人員的晚宴。由於阿佘之前被拍到與鄭嘉穎出席曹永廉生日派對，問是否跟鄭嘉穎復合成功？她坦言當晚只是一個美麗的誤會：「隔籬有另一個派對……係分開玩，但係都有傾偈。（有冇復合可能？）有段時間冇聯絡，嗰日醉醉哋都唔記得乜嘢事，只係玩得好開心。」並坦言正等待着愛情。問是否與嘉穎，她又冧爆說：「咁要問個天。（佢追番你？）呢啲隨緣啦！」

另外，談及她已成為視后大熱，阿佘說：「依家有冇份都唔知，有份梗係有體育精神競賽。（睇好邊個？）五強都未知！」