林峯DIY禮物冧千語BB

「爆seed哥」林峯現身電視城出席梁乃鵬博士宴請的《使徒行者》仝人晚宴。問是否已簽約英皇？林峯大方承認已經簽約三年，但簽約金額則指是商業秘密：「大家嘅方向一致，有好多可以做嘅嘢，依家磨合緊，之前真空期接咗嘅工作都會交番畀公司處理。」

歌、影、視全發展

問之後發展方向如何？他說：「主要係音樂方面，有年幾冇出碟，會做咗先。電影方面公司安排緊，但係唔講得！之前內地劇《衛子夫》收視幾好，內地劇都多人搵，想搵啲自己鍾意嘅劇本。」

為千語BB搞生日P

提到女友吳千語於本月27日生日，林峯甜笑地表示正為對方籌備生日會：「籌備咗三個月，會喺香港搞。（送禮物？）會手整禮物，佢好聰明次次都估中，反而係我自己冇咗個驚喜！（會求婚？）唔係，點解大家都咁問？」