翠如BB生日　曹永廉玩嘢：年年有「蕭」肉食

翠如BB，生日快樂！今日係黃翠如嘅32歲牛一，係呢個大喜日子入面，翠如BB都有喺instagram祝自己「生快」，當然一大班粉絲亦有留言祝佢有個開心嘅生日啦！

翠如BB真係好多人錫好受歡迎o架！藝人朋友們晨咁早已經喺微博為壽星女送上賀詞，麥長青就留言：「生日快樂！身體健康！」曹永廉更玩食字，搞笑祝佢同男友蕭正楠長長久久：「BB，祝妳生日快樂！平日都快樂，事事順利，越（愈）大越（愈）冇皺紋，越（愈）老身體越（愈）好！年年有蕭（燒）肉食！」未知身為男友嘅蕭正楠又有咩表示先？